Comité da l'iniziativa
"Jau hai preschentà l'idea da l'iniziativa da giustia gia l'avust 1995 per l'emprima giada. Dapi lura m'han mias experientschas confermà ch'igl è absolutamain necessari da separar la legislativa e l'executiva da la giudicativa."
"Ina procedura da trair la sort per nominar las derschadras federalas ed ils derschaders federals metta en il center la qualificaziun, la savida e l'experientscha professiunala – quai vul l'iniziativa e perquai m'engasch jau en il comité d'iniziativa."
"La procedura da trair la sort è pli democratica che las elecziuns, perquai ch'ella garantescha l'egualitad da las schanzas da tut las persunas qualifitgadas."
"La moda actuala d'eleger las derschadras federalas ed ils derschaders federals respecta la separaziun da las pussanzas mo per part. La ristga che interess particulars influenzeschan a moda negativa il bun funcziunament da la giustia è reala. Perquai m'engasch jau per l'iniziativa da giustia, pertge che jau sun persvas che la democrazia è colliada inseparablamain cun ina giustia nunpartischanta."
"Per nominar las derschadras federalas ed ils derschaders federals èn decisivas las qualificaziuns professiunalas e persunalas e betg il cudesch da partida. Perquai sun jau commembra dal comité d'iniziativa."
"La separaziun da las pussanzas è il fundament da nossa democrazia. Jau sun commember dal comité d'iniziativa, perquai che nus rinforzain quest fundament cun l'iniziativa da giustia."
"Jau sun commember dal comité d'iniziativa, perquai che quel s'engascha per in intent democratic originar cun la finamira da meglierar il sistem da giustia svizzer a moda essenziala."
"Jau sun commember dal comité d'iniziativa, perquai che la nominaziun da las derschadras federalas e dals derschaders federals cun trair la sort meglierescha la separaziun da las pussanzas ed uschia era la qualitad da la giustia."
"Jau sun commember dal comité d'iniziativa, perquai che l'iniziativa da giustia rinforza ina pitga centrala da noss stadi da dretg democratic."
"L'independenza da noss tribunal suprem è in dals elements centrals da la separaziun da las pussanzas ed uschia da la democrazia directa. Cun nominar las derschadras federalas ed ils derschaders federals cun trair la sort vegn garantida questa independenza il meglier pussaivel."
"Jau sun commember dal comité da l'iniziativa da giustia, perquai che quella rinforza la fidanza dal pievel en nossas instanzas supremas e meglierescha il sistem da giustia da la Confederaziun."